Tom Roger Aadland blir rekna som ein av landets beste tekst- og låtskrivarar. Han har hausta mykje ros for sine Dylan-gjendiktningar. «Blondt i blondt» blei kåra til Årets Album av NRK P1 Norsk på norsk i 2016. Samme år var han også tekstforfattar på Hellbillies sitt album «Søvnlaus». Våren 2018 kom hans sjuande album «Songfugl» og i november kom «Blod på spora» som er gjendiktning av eit av Bob Dylan sine beste album, «Blood on the tracks». Tom Roger Aadland er kjent som ein energisk utøvar med ein unik evne til å formidle. Den første laurdagen i mai slår Bø jazzklubb og litteraturfestivalen Bøker i Bø sine pjaltar saman og inviterer Aadland til Bø. Det blir både bokbad og konsert med fullt band.I samarbeid med Bøker i Bø